主页 > K新生活 >《那些年「跑不死」的蓝血人 >

《那些年「跑不死」的蓝血人


2020-05-28


《原创文章 欢迎转载 请列明出处 谢谢》-请支持蓝狮 Facebook专页-《那些年「跑不死」的蓝血人 图片来源 能够喺球坛用「跑不死」既形容既球员绝对唔多,简迪相信会係你脑海中浮起既名字,但喺法国人之前其实亦有一位特性上差唔多既球员,没有出众既球技,亦没有优势既身型,更没有星味既人气,只凭双腿跑出一片自己的天空,效力车路士接近六个年头,对于一个球员黎讲虽然算唔上一生一球会,但以日子黎讲绝对唔係一段短时间,为蓝军冲击一个又一个冠军名誉,为球会负出自己的所有,你仲记唔记得佢?佢叫拉美利斯...由宾菲加加盟,配上舒夫真高所遗下既7号球衣,拉美利斯可以话为哩个号码重新定义,身形上同旧将沙洛文卡劳相似,都係比较单薄,无论踢法风格、场上位置,对于当时既车路士球迷黎讲哩位巴西国脚相当陌生,但拉美利斯好快喺佢地面前解开一切问号,只要一有出场机会,佢就好似上左粒无限电量既电芯一样,不断在球场上奔跑,不断参与组织进攻,同时不断回后防守,即使到加时时段亦好似有用唔完既气力咁,从来无出现过力竭既迹象。踢法风格驱使拉美利斯喺多任车路士主帅掌权之下仍能得到一定机会上阵,更重要係佢喺阵容上既多变性,理想位置必定係Box to Box全能中场,而同时亦可以担任右中场及防中,而且战术执行力高,能够适应唔同阵式以及战术风格。单单为车路士效力既五年半时间,都经已为球队赢尽欧联、欧霸盃、英超冠军、联赛盃同足总盃,为蓝军立下唔少汗马功劳,大满贯功臣无容置疑。当中最令球迷刻骨铭心定必係2012年,作客鲁营球场与巴塞隆拿决一死战所入既果一球,如果无佢,果届既「大耳朵盃」得主亦未必係车路士。不过令人意外既係,本以为拉美利斯至少会伴车路士效力到30出头,但以28岁既黄金之年就选择离开转投中超,毅然告别欧洲球坛,不禁令一众球迷认为巴西人单纯「向钱看」,拉美利斯事后指出主要原因,係被当时既看守领队希丁克所摒弃,引致有离队他投既想法。时也命也,但拉美利斯既离开并没有中断佢与车路士之间既情,早两年年巴西人喺中超比赛中受伤,及后証实韧带严重受创,都係选择返英国由车路士负责治疗,而且喺社交媒体上亦有间唔中post番自己以前喺蓝军效力既相片同入波片段,可见得车路士喺佢心目中存在一定地位。「跑不死」既唔净止简迪,仲要记住有佢,拉美利斯...文章发表时间 : 30/4/2019 16:15文章最后更新时间 : 30/4/2019 16:15《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持



上一篇:
下一篇:


小编推荐